Wie is Ons?

Dis 'n baie goeie vraag, in kort, óns is net doodgewone mense wat een groot passie & doelwit na strewe in hierdie deurmekaar Wêreld, en dit is: "DIE BEVORDERING VAN DIE MOOISTE, BESTE, VRIENDELIKSTE STREEK IN DIE HELE WYE WÊRELD, DIE WESKUS".

Ons kollektiewe liefde vir die #Weskus, ken GEEN perke nie!

Hoe het Weskus Jou Lekker Ding ontstaan?

Op 13 Februarie 2012, het Riaan De Witt, 'n Kaapse Weskus Klong die gedagte gehad om 'n Facebook Groep te stig, en daar het die naam ontstaan "WESKUS JOU LEKKER DING".

Hy het die groep gestig om hom te help op 'n slag, sy heimweë na sy land te 'sooth' nadat hy jaar in en jaar uit vir die SANDF gewerk het in donker Afrika, en hy het na sy geliefde land en Weskus verlang tydens sy 15 maande op 'n slag ontplooings vir die SANDF as 'n "UN Peacekeeper" daai jare!

Sedertdien het die groep aanhou groei oor die jare heen en nou na meer as 12 jaar, het die naam Weskus Jou Lekker Ding getransformeer na 'n Weskus Aanlyn Familie van 'n groot uiteenlopende meerderheid bruin en wit mense van die Streek.

Vandag is ons "Afrikaanse Weskus Beweging" sterk oppad om binnekort ons eie "Afrikaanse Braai Fees" aan te bied in die pragtige Tietiesbaai "Cape Columbine Natuurreservaat" in 2026.

So baie mense het 'n groot rol gespeel oor die jare wat Weskus Jou Lekker Ding Facebook groep betref, en om net sekere mense se name te noem, sal onreg doen aan die wie se naam nie genoem word nie, maar daar is 'n handjievol Weskus patriote wat oor die jare heen ons naam gebou het tot die "Afrikaanse Weskus Beweging" wat ons vandag is, en hulle is in geen spesifieke orde die 'administrateurs' van Weskus Jou Lekker Ding, en dit verskaf ons groot plesier om hulle hier aan die Wêreld bekend te stel!

In geen spesifieke volgorde nie, is lid nommer 1 op die naamlys die van Sharon "AKA Sunny Sun Sun" De Beer die hoof admin van ons wonderlike groepie Weskus mense op die groep WESKUS JOU LEKKER DING!

Sy word gevolg deur die legendariese "Ouma Maksie Pretorius" van Brackenfell, Kaapstad.

Derde op ons naamlys is niemand anders as die "Belgiese Ikoon" en 'n baie lojale en toegewyde Blou Bul ondersteuner, Monica Ceustermans, en sy is ons groep se grootste moeilikheidmaker, as gevolg van haar rugby oortuigings wat nie groot aftrek geniet onder ons meerderheid Stormers en WP ondersteuners nie.

Kort op haar hakke volg die "alomteenwoordige" Afrikaanse "Taal Generaal" niemand anders as ons eie "Pers Langenhoven" genaamd: Jacqueline (Claassen) Robinson. En op Jackie se sexy Brasiliaanse hakke volg ons eie Lambertsbaai Queen en menseregte vegter, Alice Thomas, wat altyd daai bietjie ekstra teruggee vir haar gemeenskap!